Informatika Ingeniaritzako Graduak 12/13 ikasturtean laugarren ikasmailarainoko ezarpena izango du. Graduko ikasleek hirugarren ikasturtean mundu mailan hedapen zabalena duten hiru espezialitateko bat aukeratu behar dute: Konputagailuen Ingeniaritza, Konputazioa, edo Software Ingeniaritza. Espezialitatearen arabera zortzi ikasgai berezi egin behar dira eta gradu amaierako proiektua ere espezialitatearen alorrean egitea eskatzen da (60 kreditu beereizi guztira); horrez gain laugarren maila hautazko eskeintza zabal batekin osatu ahal izango du.
Lehenengo hiru ikasturtetako irakasgai guztiak euskaraz eta gazteleraz eskainiko dira. Eta, bigarren mailako sei ikasgai ingelesez ere egin ahal izango dira, beti ere ikaslearen nahien arabera.
12/13 ikasturterako fakultateak lau graduondoko master ofizial eskainiko ditu: Sistema Informatiko Aurreratuak (SIA), Konputazio Ingeniaritza eta Sistema adimendunak (KISA), Sistema Txertatuen Ingeniaritza (STI), Hizkuntzaren Azterketa eta Prozesamendua (HAP). KISA eta SIA alde batetik, eta HAP beste aldetik, bikaintasun aipamena daukaten doktorego programetarako sarrera dira.
